شعر كلش موطبيعي ودخت كلش بيك

كلش مو طبيعي ودخت كلش بيك
وداخت من حجيت وياك كلماتي
إبحلاتك سيد وينكالك مولاي
ومن كد مادخت كتلك يمولاتي
شفتك غوشت عيني وكمت ماشوف
درت وجهي صفح شافتك اذانانتي ؟
تسوى الدنيا عندي من اكعد وياك
وبدونك كلشي ماتسوى دنيتي
من اطب البيتكم اشبك علة الباب
ويشبكك بابنة من تطب بيتي
فرق مابين عمري وعمرك هواي
وكمت الخاطرك اصبغ لحيتي
أتئذة اذا وي غيرك ارتاح
وحيل ارتاح اذا منك أذيتي
ويغيرك مايردني العمر ماريد
وريد وياك لو يمك منيتي
قضيتي وياك ابد خلتني ما شوف
ودعي من الله لاتنحل قضيتي
عليك العين تبجي ليل ونهار
وكول شعطلج شو ما بجيتي
يوصي اهلة بجهالة الرايد يموت
وبس اسمك لكو اهلي بوصيتي
علة غيرك مانحت ما بية عل نوح
وعليك شكد حلو يونسني نوحي
كضيت زيارتي بس اندعيلك
ونسيت وداعتك اندعي الروحي
جنت من روحي ضايج كبل ملكاك
وكل ساعة اكل الروحي دروحي



هسة لابعد من روحي ماضوج
اضوج شلون ونتة الصرت روحي



انشع حيل من تلجمني الجروح
وضل مقهور لو طابت جروحي



اعتبرت الي يداوني يلجمون
وتلجم بية وعتبرك علاجي



سجين بحبك انة متاني الفراج
يوصلني وندعي لايجي فراجي



محتاج الحنانك حيل محتاج
ومحد غيرك يسدلي حتياجي



وذاعطشان يلكة نهر مثلك
مامعقولة يفتر عل سواجي



تحرجني بقصد وطلع الروح
وكل للروح مايقصد احراجي






ابو الطبع المزاجي شكد اكرهة
وموت عليك جي طبعك مزاجي

ان شاء الله ايعجبكم هذه الشاعر الخرافي

الي ايكول اني كضيت عمري غزل


مع تحيات محد
يعرفني